Studiuesi Auron Tare ka rrëfyer në Opinion historinë sesi gruaja e pronarit të Mercedes Benz “u dashurua” me fshatin Qeparo dhe kërkoi ta blinte.
Tare tha gjithashtu se 10 biznesmenë të fuqishëm europianë e vizituan fshatin në atë kohë.
Pjesë nga rrëfimi i Tares në emision:
Unë kam pas shkuar shumë atje. Ka qenë Kamila, gruaja e Princit Charles, u ulëm te klubi i fshatit, aty ishte gjysma e ekonomisë europiane, ishte Benz Mercedes. Ishte Mark Getty i naftës, ishte Jean Pigozzi, presidenti i Citroen, Saskia Von Sonburg, dhe Camilla Parker Boëles. Ai zotëria i fshatit ma dha të parit mua kafen se më njifte, dhe unë i thashë shërbeu miqve njëherë. Ata u kënaqën që nuk i njihte askush. E tregonin edhe në Londër si diçka shumë interesante.
Por do të thosha, sikur fati të kishte qenë për Qeparoin, në atë kohë gruaja e pronarit të Benz Mercedesit donte ta blente të gjithë fshatin u interesua për 8-9 muaj. Ta restauronte të gjithin, se ishte dhe kinemaja atje, për të sjellë filma apo aktorë, për ta bërë të gjithë fshatin koloni artistike.
