S*ks për kalim ilegal të kufirit, punonjësi përjashtohet nga radhët e Policisë

Pas transmetimit në emisionin investigative, në lidhje me skandalin e punonjësit të policisë, në Drejtorinë Vendore për Kufirin dhe Migracionin Gjirokastër, Drejtoria e Standardeve Profesionale, Policia e Shtetit njofton se është përjashtuar menjëherë nga radhët e policisë punonjësi me inicialet P.Ç.

Policia e Shtetit:

Duke marrë shkas nga transmetimi në një emision investigativ, i shkeljes së rëndë të kryer nga punonjësi i Policisë P. Ç., trup shërbimi në Drejtorinë Vendore për Kufirin dhe Migracionin Gjirokastër, Drejtoria e Standardeve Profesionale në Policinë e Shtetit  beri përjashtimin e menjëhershëm  të këtij punonjësi policie nga radhët e Policisë së Shtetit.

Policia e Shtetit falënderon median dhe qytetarët dhe i inkurajon ata që të denoncojnë çdo abuzim me detyrën, nga punonjësit e Policisë, duke i garantuar reagim të menjëhershëm dhe të paanshëm.