LIGJET E BIZNESIT
Pasi u publikua skandali mbi trafikun e arabëve nëShqipëri erdhi edhe reagimi i Policisë së Shtetit.
Burime për media bëjnë me dije se sot është pezulluar nga puna Drejtoresha e kufirit dhe emigracionit, Tiranë. Gjithashtu është marrë një masë e tillë edhe për gjithë zyrtarët e lartë në Policinë Kufitare.
Te pezulluarit janë: Enekeleda Toska,drejtoreshe e kufirit dhe emigracionit, Tirane. Altin Hasani, Shefi i sektorit Besnik Zela, Shefi i sektorit, Albana Metko, Shefe e Seksionit Adelina Lita, Specialiste.
Nw emisionin “Top Story” u bë publik investigimi në lidhje me trafikun e paligjshëm të shtetasve arabë në Shqipëri. Ata kanë zbuluar se kush janë njerëzit në Shqipëri që organizojnë këtë lloj trafiku të paligjshëm dhe si janë të lidhur ata me zyrtarët e lartë shtetërorë. Teksa gazetarët e Top Story merrnin në pyetje denoncuesit arabë, në dritë kanë dalë emra zyrtarësh të lartë.
“Amir, Mustafa, Rami, Samiu”, tregon Salem Shehabeldin, emigrant.
Mes disa trafikantëve arabë të cilët ne i përmendëm më sipër na rezulton edhe një person me emrin Sami. “Ky është Sami?
“Po ky është Samiu. Po, po, ky është Zoti Sami. Më ka propozuar që të bashkëpunojmë për të sjellë njerëz të tjerë nga Egjipti për t’i çuar në Itali, Rumani etj”, tregon Salem Shehabeldin, emigrant. Nga vëzhgimi u vu re se Sami Hoxha ka lidhje të forta me policinë e kufirit.
Faktikisht gruaja e tij është drejtoreshë në “Drejtorine Raionale te Kufirit dhe Migracionit, Tirane”. Ajo quhet Enkeleda Toska dhe e mban këtë detyrë që nga Shkurti i vitit 2018. Gjithashtu, u zbulua se edhe drejtori i mëparshëm i kufirit dhe emigracionit, kishte lidhje dhe ishte i përfshirë në këtë skemë trafiku të paligjshëm të emigrantëve.
