Me rritjen e rasteve të reja dita-ditës, ku sot u konfirmuan 14 persona të prekur me COVID19, mësohet se është rritur dhe numri i të shtruarve në spital.
Gjithashtu ajo që e rrit frikën është se rastet e reja janë me simptoma.
Lajmi i keq është se edhe pse në fillim të muajit rastet e reja në vendin tonë ishin pa simptoma, duket se ka një agravim të virusit te të infektuarit ditët e fundit.
Këto janë të dhënat që konfirmoi sot Ministria e Shëndetësisë në deklaratën zyrtare tashmë të përditshme.
“Vijon të ketë shtrime të reja dhe rritje te rasteve në spitalin infektiv, ku aktualisht po trajtohen 30 të prekur, nga të cilët 6 janë në terapi intensive, 2 prej tyre jane të intubuar.
Rastet e konfirmuara në 24 orët e fundit janë kontakte familjare te rasteve pozitive dhe disa raste të reja në proces hetimi. Pjesa më e madhe e të prekurve në 24 orët e fundit janë simptomatikë, me shenja klinike të Covid19″, – bëri me dije Ministria e Shëndetësisë.
