Si do të jetë dita e parë e muajit? Zbuloni surprizat që sjell moti për sot

Pas një dite me mot të paqëndrueshëm, mësohet se edhe sot dita do të karakterizohet nga reshje të dobëta shiu në të  gjitha qarqet e vendit.

Sipas parashikimit të IGJEUM, reshjet do të jenë mesatare në Kukës, Dibër dhe Lezhë.

Ndërsa në zona shumë të kufizuara të qarqeve, nuk përjashtohet mundësia që të ketë ndonjë reshje në formë shtrëngate me kohëzgjatje të shkurtër, më e mundshme në terrenet malore (dhe ato pranë tyre).

TEMPERATURAT

Temperaturat minimale dhe maksimale të ajrit pritet të arrijnë:

në bregdet: 12 / 20°C

në vendet e ulëta: 11 / 21°C

në vendet malore: 5 / 16 °C

ERA

Era pritet të fryjë e lehtë deri mesatare.