“Shqipëria performancë 10 herë më të mirë se Gjermania” Bushati çudit dynjanë: E ka prej qeverisjes (VIDEO)

Nuk janë të pakta rastet kur deklaratat e politikanëve në Shqipëri janë të habitshme dhe pa lidhje me realitetin.

Një prej tyre është dhe ajo e deputetit të Partisë Socialiste Ervin Bushati.

I ftuar në programin “Byro Politike” ai ka komentuar ekonominë shqiptare pas periudhës së pandemisë, duke shtuar se me marrjen e Eurobondit shteti shqiptar ka treguar që është partner i besueshëm në tregjet ndërkombëtare.

Madje ai nuk është ndalur me kaq, duke krahasuar qeverisjën e vendit tonë me atë të Gjermanisë dhe Italisë, duke thënë se vendi ynë ka një përformancë disa herë më të lartë se ata.

“Nga pandemia ne jemi vendi që ka pasur më pak tragjedi në Europë. Ne jemi shtet dhe kemi përgjegjësi. Nuk jemi thjesht kompani, kemi detyrë të shpëtojmë qytetarët dhe të shpëtojë ekonomia. Unë di këtë që sot Shqipëria ka performancë, prej qeverisjes 10 herë me të mirë se Gjermania dhe 50 herë më të mirë se Italia”, u shpreh Bushati i sigurt, duke i lënë të gjithë pa fjalë.