LIGJET E BIZNESIT
Një shqiptar ka humbur jetën si pasojë e një zjarri që ka përfshirë fabrikën e kanabisit, në Britani.
Sipas raportimit të mediave vendase, shqiptari ishte bllokuar Brenda fabrikës, pasi ajo ishte përfshirë nga flakët, bashkë me një shtetas tjetër shqiptar.
Si pasojë e zjarrit humbi jetën 43-vjeçari, por mundi të mbijetonte 20-vjeçari, i cili u dërgua në spital dhe është jashtë rrezikut për jetën.
Ngjarja e rëndë ndodhi më 4 qershor, në një fabrikë në Brierley Hill. Për arsye ende të paqarta, fabrika ku rritej dhe përpunohej kanabisi mori flakë bashkë me dy shqiptarët brenda.
Shqiptarët u nxorrën pas shumë sforcovo, rreth orës 19:30 dhe u dërguan menjëherë në spital.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Identiteti i tyre ende nuk bëhet i ditur, por një nga detektivët u shpreh se ata ishin viktima të trafikimit në Mbretërinë e Bashkuar.
“Njësia, e përdorur për rritjen e kanabisit, ishte e bllokuar që do të thotë se këta njerëz nuk kishin asnjë mënyrë për t’i shpëtuar zjarrit. Kushdo që ka ndonjë informacion për këta të dy, apo për rrethin në të cilin ishin përfshirë këta njërëz, na kontaktoni,”- shtoi inspektori Jim Mahon.
