Shkarkohet shefi i komisariatit të Vahut të Dejës, zbulohet parcela me kana*is

Është shkarkuar ditën e sotme shefi i Policisë së Vaut të Dejës, Paulin Çupi, pasi në zonën që ky komisariat mbulonte është zbuluar një parcel me kanabis.

Gjatë kontrollit të territorit, shërbimet e policisë kanë zbuluar një parcel me rreth 30 mijë rrënjë kanabis, në afërsi të liqenit të Komanit, pjesë e njësisë administrative Temal.

Komisariati, që drejtohej nga Çupi, jo vetëm që nuk e kishte asgjesuar parcelën, por as nuk kishte dhënë sinjalizime për ekzistencën e saj.

Paulin Çupin e ka zëvendësuar Bardhyl Saliu.