Shifra më e lartë deri tani/ ‘Shpërthen’ koronavirusi në vendin tonë, 27 raste vetëm në Tiranë

Duket se situata e krijuar nga koronavirusi në Shqipëri vijon të jetë ende shqetësuese.

Ky fakt u konfirmua sot, ku te të dhënat zyrtare të Ministrisë së Shëndetësisë treguan se kishte 36 raste të reja, shifra më e lartë deri tani në 24 orë që prej fillimit të pandemisë në vendin tonë.

Kështu, sipas shifrave që dha dr. Silva Bino nga ISHP, nga 36 raste , 27 prej tyre janë në Tiranë, 4 në Shkodër, 2 në Kamëz, 1 në Durrës, 1 në Lushnje dhe 1 në Lezhë.

Deri më tani numri i të prekurvë në vendin tonë nga koronavirusi shkon në total në 1299 persona.

Rritje ka edhe sa i takon numrit të të shtruarve te Infektivi. 41 pacientë ndodhen aktualisht në kujdesin e mjekëve, dhe prej të cilëve 6 janë në terapi intensive dhe 2 të intubuar.

36 raste pozitive 24 orët e fundit

Tirana – 27 raste

Shkodra – 4 raste

Kamëz – 2 raste

Durrës – 1 rast

Lushnje – 1 rast

Lezhë – 1 rast