Sherr mes dy të rinjve në Korçë, në gjendje të rëndë 32-vjeçari

Një konflikt për motive të dobëta ka ndodhur ditën e sotme në qytetin e Korçës, në fshatin Vloçisht. Sherri ka degraduar kur dy personat filluan të goditeshin me leva dhe mësohet se konflikti erdhi si shkak i një parakalimi të gabuar.

Mësohet se njëri nga të rinjtë ka marrë dëmtime të rënda në kokë dhe është transportuar me urgjencë drejt spitalit. Bëhet fjalë për shtetasin me iniciale E.M., 32 vjeç, i cili ndodhet në gjendje të rëndë.

Ndërsa, i lënduari tjetër, B.R 34 vjeç me profesion infermier ka marrë plagë të lehta dhe ndodhet jashtë rrezikut për jetën.

Njoftimi i policisë:

Më datë 09.06.2020, në afërsi të kryqëzimit të fshatit Libonik, gjatë një konflikti për motive të dobëta janë dëmtuar me mjete të forta shtetasit B. R., 34 vjeç dhe E. M., 35 vjeç, banues në fshatin Symiz, Maliq, të cilët u dërguan për mjekim në Spital. Grupi hetimor po kryen veprimet proceduriale dhe po punon për të zbardhur rrethanat e ngjarjes.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern