Kryeministri i sapozgjedhur i Kosovës Avdullah Hoti ka marrë së fundmi një vendim të fortë.
Ai është shprehur se nuk do të marrë pjesë në takimin me palën serbe në Washington më 27 qershor.
Sipas Hotit arsyeja e këtij vendimi lidhet me situatën e krijuar pas paraqitjes së aktakuzës nga Prokuroria e Specializuar me seli në Hagë ndaj presidentit të Kosovës, Hashim Thaçi.
“Për shkak të zhvillimeve të reja në Prishtinë si rezultat i aktakuzës të paraqitur nga Prokuroria e Specializuar, unë duhet të kthehem në vendin tim për t’u marrë me situatën. E njoftova Ambasadorin Grenell se nuk mund të marrë pjesë në takimin e 27 qershorit në Shtëpinë e Bardhë”, thekson Hoti në një reagim në rrjetet sociale.
Kujtojmë se takimi ishte thirrur nga i dërguari i Shtëpisë së Bardhë për dialogun mes Kosovës dhe Serbisë, Richard Grenell.
