Policia italiane ka vënë në pranga tre shtetas shqiptarë, pasi zhvilloi një opoeraciaon, ku u sekuestruan 2 kilogramë kokainë dhe 68 mijë euro.
Mediat italiane bëjnë me dije se të arrestuarit janë një djalë 24 vjeç, i cili ishte shqiptar, i cili është arrestuar së bashku me nënën, banues në Gualdo Tadino. I arrestuar është edhe një 31-vjeçar shqiptar. Ende nuk janë bërë publikë identitetet e tyre.
Hetimi nisi pas arrestimit të një 21-vjeçari, i cili ishte prangosur disa ditë më parë në shoqërinë e një bashkatdhetari tjetër. 24-vjeçari u ndalua, pas vëzhgimit për rreth dy ditë dhe u vu re se ai komunikoi me një tjetër person.
Personat e dyshimtë u ndoqën nga policia derisa arritën në një shtëpi, në qendër të Gualdo Tadino. Një djalë iu afrua me një zarf në dorë dhe u futën në banesë. Në këtë moment ndërhyri policia. Pavarësisht përpjekjeve për t’u arratisur, ata u neutralizuan menjëherë.
Gjatë kontrollit në banesë policia gjeti dhe sekuestroi dy kilogramë kokainë dhe 68 mijë euro në dhomën e nënës. Të tre u arrestuan për mbajtje dhe trafikim të drogës dhe u shoqëruan në burgun e “Capanne”.
