Sa persona kanë mbetur papunë në Shqipëri nga COVID19? Rama zbulon shifrën: Situata është delikate…

Pandemia e COVID19 që kur ka hyrë në Shqipëri ka sjellë mjaft pasoja kryesisht për anën ekonomike të vendit.

Shumë persona kanë ngelur të papunë, edhe këtë aspekt e ka komentuar edhe kryeministri Edi Rama.

Mbrëmjen e djeshme, në një lidhje direkte për programin “Open” Rama u shpreh se shifrat dhe projeksionet e të papunëve janë të lëvizshme, por deri në fillim të majit numërohen 70 mijë të papunë.

Pyetje: Ditët e fundit, si pasojë e rihapjes, ka patur numër të lartë infeksionesh, a është trend shqetësues?

Rama: Nuk është ende një trend shqetësues, por është trend që sidoqoftë duhet t’i bëj të gjithë të kuptojnë që është situatë delikate, se njeriu ka tendencën ta haroj të keqen dhe ka tendencën të thotë që s’ishte gjë pse u mbyllëm, atëherë dhe rreziku bëhet më i madh.

Pyetje: Sa të  papunë kemi sot si pasojë e Covid-19?

Rama: Qeveria nuk parashikon sa mendohet të jetë numëri i të papunëve, i referohet shifrave dhe statistikave zyrtare, kemi projeksione, por projeksionet mund të jenë të ndryshueshme. Projeksionet e SHBA-ve ishin x, dhe për muajin që kaloi iu rezultoi një shiër 2.5 mln më shumë vende pune të humbura se sa çfarë ata kishin parashkiuar. Prandaj nga 19% që prisnim, shkoi në 13.5. Ajo që unë di është që ne kemi mbuluar sot që flasim afërsisht 230 mijë persona. Kemi 4500 subjekte që do penalizohen se s’i bën aplikimet për punonjësit, ne do t’i paguajmë puonjësit e tyre. Shifra e të papunëve është dinamike, ka pasur shumë kthime në punë, madje dhe pse kanë ikur nga puna dhe kanë vazhduar të paguhen nga punëdhënësi. Deri në fillim të muajit maj 70 mijë të papaunë, shumë prej tyre janë rikthyer.