Rriten ndjeshëm shifrat dhe në Kosovë, ja sa raste u konfirmuan sot me COVID19

Vijon gjendja alarmante nga koronavirusi në Kosovë.

Ditën e sotme autoritetet vendase kanë bërë me dije se janë konfirmuar 49 raste të reja për 24 orë.

Kujtojmë se shifrat janë në rritje dhe në Shqipëri, por dhe në Maqedoninë e Veriut.

Vetëm Mali i Zi duket se është larg kësaj situate, edhe pse ka hequr kufizimet, duke rifilluar jetën normale pas hapjes.

Kështu në Kosovë, sipas të dhënave zyrtare rastet pozitive janë nga: Komuna e Vushtrrisë 22 raste (sipas vendbanimit: 17 raste Vushtrri, 2 raste Dumnicë e Poshtme,1 rast Reznik, 1 rast Maxhunaj dhe 1 rast Begaj).

Komuna e Pejës 7 raste, 6 raste Pejë dhe 1 rast Nabërgjan), komuna e Prishtinës 5 raste (sipas vendbanimit: 5 raste Prishtinë), komuna e Gjilanit 3 raste (sipas vendbanimit: 3 raste Gjilan), komuna e Prizrenit 3 raste (sipas vendbanimit: 2 raste Prizren dhe 1 rast Lubizhdë), komuna e Istogut 2 raste (sipas vendbanimit: 1 rast Staradaran dhe 1 rast Vrellë), komuna e Mitrovicës 2 raste (sipas vendbanimit 2 raste Mitrovicë) dhe nga 1 rast nga vendbanimet: Fushë Kosovë, Mamushë, Lubovec-Skenderaj, Zhiti-Viti dhe Suharekë.

Që nga përhapja e pandemisë, në Kosovë janë regjistruar 1,486 raste me COVID-19, ndërsa të shëruar 1,183 dhe të vdekur 33.