Pasditen e sotme kanë mbërritur turistët e parë nga Bjellorusia në Rinas.
Pas mbylljes globale nga pandemia, 192 shtetas bjellorusë kanë zbarkuar në Aeroportin Nënë Tereza.
Charteri i kompanisë ajrore Belavia erdhi pas heqjes së vizave me Rusinë dhe Bjellorusinë dy ditë më parë.
NJOFTIM PËR HEQJEN E VIZAVE PËR SHTETASIT E RUSISË DHE BJELLORUSISË
Ambasada e Republikës së Shqipërisë në Federatën Ruse informon, se në bazë të Vendimit të Këshillit të Ministrave të Republikës së Shqipërisë, numër 470, datë 10.06.2020, nga data 10 qershor deri në datën 30 nëntor 2020, shtetasve të Federatës Ruse dhe Republikës së Bjellorusisë u lejohet hyrja pa viza në territorin e Republikës së Shqipërisë, për udhëtime turistike dhe private, për një periudhë prej 90 ditësh.
Shqipëria momentalisht i ka të hapura kufijtë me të gjitha vendet e rajonit përfshirë Greqinë, ndërsa i ka të mbyllura me vendet e tjera të Europës deri në datën 1 korrik.
