Rama i qartë për votën e emigrantëve: Me ose pa dakordësinë e opozitës, drafti do të…

Kryeministri Edi Rama është treguar i prerë në mbledhjen drejtpërdrejt të këshillit të Diasporës, ku u shpreh se me ose pa dakordësinë e opozitës parlamentare drifti do t’i dorëzohet Komisionit të Reformës Zgjedhore në 30 qershor.

Ndër të tjera, Rama deklaroi se kontestimi i procesit do të jetë një problem dhe pjesëmarrësit e Këshillit të Diasporës duhet të japin si ndihmë kryesore monitorimin nga afër të procesit.

“Nuk kemi nevojë për një zgjidhje teknike, por kemi nevojë për një provueshmëri, sepse nëse procesi është i kontestuar atëherë kjo gjë është problem.

Këtu besoj që është momenti për ti dhënë përgjigje pyetjes si mund të ndihmoni ju?

Ndihma kryesore që duhet të jepni është që të merrni pjesë në monitorimin e mekanizmit. Tjetër gjë kur thotë një palë që ky mekanizëm është i garantuar dhe tjetër gjë kur një sy i pavarur dhe interesuar drejtpërdrejtë thotë të njëjtën gjë. Teknikisht flas.

Deri në momentin e konsolidimit të mekanizmit, do të ishte e mirëseardhur dhe më vjen çudi që nuk e keni marrë draftin, por menjëherë mund t’ju vijë drafti aktual dhe të shihni se si është e shkruar.

Me dakordësi, pa dakordësi nga ana e opozitës detajet do ti dorëzohen Komisionit të Reformës Zgjedhore deri në datën 30 qershor dhe ju mund t’i dispononi”, u shpreh Rama.