PS-PD arritën marrëveshjen për Reformën Zgjedhore, por ja si e komenton Meta

Pas arritjes së marrëveshjes mes qeverisë dhe opozitës për Reformën Zgjedhore, ka folur edhe presidenti Ilir Meta.

Me anë të një deklaratë përpara gazetarëve, Kreu i Shtetit e ka cilësuar këtë marrëveshje si një hap të rëndësishëm dhe theksoi se ky konsensus duhet të vijojë dhe më tej në rrugën politike.

“Reforma Zgjedhore është një marrëveshje konsencuale, diçka pozitive. Duhet të vazhdojë konsensusi edhe për çështje të tjera. Marrëveshja është hap i rëndësishëm për të ecur përpara, pasi kam parasysh se cilat do ishin pasojat nëse nuk do kishte marrëveshje midis palëve.

Ndoshta ka shumë qytetarë që nuk janë shumë të lumtur, pasi kanë pritur ndryshime edhe më thelbësore, por sidoqoftë fakti që kemi një marrëveshje konsensuale është shumë pozitive. Po të kemi parasysh se cilat do ishin pasojat e menjëhershme të kalimit të njëanshëm të një Refome Zgjedhore.

Do të radikalozohej situata e brendshme, do ishte e tepër për këtë popull me probleme të shumta. Është hedhur një hap i rëndësishme përpara’”, deklaroi Meta.