Provokoi policët duke lëshuar gazra, gjobitet me 500 euro një burrë në Vjenë

Një burrë në Vjenë është gjobitur me 500 euro nga autoritetet sepse ka bërë një veprim të pahijshëm para oficerëve të policisë.

Metro britanike, shkruan se burri është gjobitur nga policia sepse ka pjerdhur para tyre. Policia austriake u detyruar të reagonte për rastin pasi gazeta Österreich zbuloi se burri ishte gjobitur më datë 5 qershor 2020. Oficerët janë shprehur se autori ishte jo bashkëpunues dhe sillej në mënyrë provokative me ta derisa bëri veprimin e pahijshëm.

Burri ishte ulur në një park dhe para se të ngrihej bëri një pordhë para policëve, të cilët më pas janë shprehur se ajo ishte plotësisht e qëllimshme. Burri mund të apelojë gjobën prej 500 € (447 £).