Protestë masive para Bashkisë Durrës, 150 qytetarë ankohen: Nuk jemi përfshirë në listat e përfituesve për Rindërtimin
Mëngjesin e sotëm është zhvilluar një protestë masive përpara godinës së Bashkisë së Durrësit.
Rreth 150 qytetarë kanë pretenduar se emri i tyre është lënë jashtë listave të përfituesve nga grandet e Rindërtimit për tërmetin e fuqishëm që goditi Shqipërinë më 26 nëntor.
Kujtojmë se Këshilli Bashkiak i Durrësit miratoi të enjten listat e përfituesve teksa në korrik fillon dhënia e granteve për familjet e banesave të dëmtuara në shkallën DS1, DS2, DS3.
Por duket se ka dhe qytetarë që edhe pse i kanë banesat e dëmtuara nga tërmeti, kanë ngelur jashtë listave dhe ata sot protestojnë para Bashkisë së Durrësit.
Ky qytet aktualisht nuk ka një kryebashkiak në detyrë, por postin e mban e komanduara e përkohshme Emiriana Sako.