Presidenti Meta jo optimist për marrëveshjen: E pamjaftueshme

Presidenti Ilir Meta ka përshëndetur arritjen e marrëveshjes për Reformën Zgjedhore.

Meta ka përgëzuar konsensusin, por ka shprehur dhe shqetësimin e tij, me anë të një reagimi përmes zyrës së tij të shtypit.

Ndër të tjera, Meta shkruan se marrëveshja nuk garanton zgjedhje të lira, por është një lajm i mirë përsa i përket konsensusit.

Reagimi i plotë:

Ky është një lajm pozitiv, por jo i mjaftueshëm për të garantuar zgjedhje të lira e të ndershme. Kultura e konsensusit duhet të vazhdojë edhe për kushtet e tjera për të përshpejtuar çeljen e negociatave. Falenderime edhe partnerëve tanë europianë për durimin e tyre! Falenderim të veçantë edhe për SHBA dhe Britaninë e Madhe që mbështesin të ardhmen europiane të Shqipërisë!