Ditën e sotme është kapur dhe arrestuar shtetasi i shpallur në kërkim Julian Çela, 30 vjeç, banues në Tepelenë.
Në bazë të informacioneve të mrra në rrugë operative për lëvizjen e një personi të shpallur në kërkim, që qarkullonte me dokumenta të falsifikuara për t’iu shmangur identifikimit nga punonjësit e policisë është finalizuar me sukses operacioni policor i koduar ”Teleferiku’.
Si rezultat i koordinimit dhe mirorganizimit është bërë e mundur kapja e tij në vendin e quajtur “Rriga e Teleferikut”.
Personi i shpallur në kërkim që në vitin 2015 ishtë dënuar nga Gjykata e Krimeve të Rënda Tiranë me 7 vjet e 4 muaj burg për veprën penale “Trafikimi i lëndëve narkotike, kryer në bashkëpunim, mbetur në tentative”.
Shtetasit Çela iu gjet një document identifikimi i falsifikuar me fotografinë e tij, por me të dhënat e të vëllait, me qëllim që t’i shmangej identifikimit nga uniformat blu.
