Plasën protestat në Greqi, Revoltohet rinia Komuniste

Ditën e sotme, rinia Komunistë e Greqisë ka zhvilluar një protestë para ambasadës amerikane në Athinë kundër dhunës policore në Shtetet e Bashkuara. Protesta në SHBA nisi pasi një oficer policie vrau një afrikano-amerikan.

“Kapitalizëm do të thotë që nuk mund të marr frymë”, kjo ishte motoja e protestës, ku forca të shumta policore ishin në vendngjarje.

Gjithashtu, në qendër të Athinës u zhvillua një tubim kundër project-ligjit arsimor të Ministrit të Arsimit, Niki Kerameos.

Protestuesit u mblodhën së pari në Propylaea dhe më pas u nisën drejt Parlamentit, ndërkohë në duar mbanin parullën qendrore “tërhiqni tani projekt-ligjin antikulturor”.

Përveç tërheqjes së projekt-ligjit, protestuesit kërkojnë edhe të mos miratohet vendimi për zhvillimin e mësimit online.