Një sherr me thika mes dy familjeve ka ndodhur ditën e djeshme në Berat.
Mësohet se konflikti nisi për një tokë me ullinj, ku si shkaktar i nisjes së të gjithë ngjarjes është 52-vjeçari Kristo Dhama, i cili tashmë është arrestuar nga policia.
Ai ka goditur me thikë, 18-vjeçarin Altjon Alibeaj dhe ndërkohë në sherr u përfshinë edhe familjarë të tjerë.
Ky i fundit është dërguar me urgjencë në spital dhe ndodhet nën kujdesin e mjekëve.
Policia do të hetojë tashmë dhe personat e tjerë të përfshirë, shtetasit me iniciale G.A., 46 vjeç, E.A., 44 vjeç, dhe M.Dh., 38 vjeçe.
NJOFTIMI ZYRTAR I POLICISE
Ngjarja ka ndodhur në lagjen “Barrikada” në Berat, ku dy pjesëtarë të dy familjeve, për motive ende të paditura, janë konfliktuar fizikisht me njëri- tjetrin. Për të shuar konfliktin janë futur edhe persona të tjerë të familjes, të cilët kanë marrë dëmtime. Pas ngjarjes, uniformat blu kanë bërë arrestimin e K.Dh i cili ka plagosur rëndë njërin prej tyre, e ndërsa janë vënë në hetim tre të tjerë G.A., 46 vjeç, E.A., 44 vjeç, dhe M.Dh., 38 vjeçe. Ndaj tyre rëndojnë akuzat për veprat penale për shtetasin K.Dh “Plagosje e rëndë me dashje” dhe “Plagosje e lehtë në bashkëpunim”, e ndërsa i plagosuri me thikë A.A., është dërguar me urgjencë në spital, ku ndodhet nën kujdesin e mjekëve.
