Plas sherri/ Grushta e shkelma mes doganierëve, njëri bie në pranga

Një sherr ka ndodhur sot në portin e Sarandës.

Mësohet se një doganier është konfliktuar me kolegun e tij duke u përleshur fizikisht, dhe më pas ka rënë në prangat e policisë.

Ndërkohë policia ka dhënë detaje në njoftimin zyrtar.

Sipas informacioneve në pranga ka rënë 34-vjeçari me iniciale I.I, banues në qytetin e Sarandës.

NJOFTIMI ZYRTAR I POLICISE

Policia ka bërë ndalimin e shtetasit në kërkim I. I., 34 vjeç, banues në Sarandë, me profesion agjent doganier.

Ndalimi i tij u bë pasi ky shtetas është përfshirë në një konflikt në datën 17.06.2020, në lagjen nr.4 Sarandë, ku në Portin e Sarandës dyshohet se ka goditur fizikisht një punonjës tjetër doganier, për motive të dobëta.

Materialet iu referuan Prokurorisë në ngarkim të tij për veprat penale “Goditje për shkak të detyrës” dhe “Dëmtime të tjera me dashje”.