Një ngjarje e rëndë është parandaluar sot në zonën e Lungomares në Vlorë.
Sherri që ka nisur mes dy personave për pak ka degraduar deri në përdorimin e armëve të zjarrit.
Ngjarja ka ndodhur në një lokal, ku sipas dëshmitarëve okularë, ata që janë përfshirë në konflikt janë përplasur fillimisht me njëri-tjetrin dhe njëri prej tyre ka nxjerrë armën.
Për fat të mirë ka ndërhyrë një polic duke shmangur kështu një tragjedi të mundshme.
Personi që kishte armën është larguar me shpejtësi dhe gjatë vrapit i ka rënë dhe arma.
Policia ndërkohë vijon punën për zbardhjen e plotë të rrethanave të ngjarjes dhe kapjen e autorit.
