Pas një ore ka përfunduar mbledhja e Këshillit Politik në Pallatin e Kongreseve. Fokus i mbledhjes së sotme, ishte plotësimi i kuadrit të plotë ligjor me ndryshimet ligjore për t’u votuar më pas në Kuvend.
Ndërkaq, përfaqësuesit i opozitës, Oerd Bylykbashi dhe Petrit Vasili, së bashku me ekspertin Ivi Kaso, nuk kanë dhënë asnjë prononcim për mediat
Damian Gjiknuri në një prononcim për mediat tha se brenda javës tjetër do të mbyllet paketa ligjore.
“Mbledhje pune. U ngarkuam disa detyra erkspertëve dhe brenda javës që vjen do të mbyllim të gjithë paketën ligjore për të materializuar marrëveshjen. Sa të mbarojë këtu do të shkojë direkt në Komisionin e Reformës, është punë ditësh”.
Ndërkohë as deputetja e Kuvendit, bashkëanëtare në tryezë, Rudina Hajdari, nuk ka dhënë asnjë deklaratë.
