“Patëm një hapje të shpejtë” Mjeku imunolog e sqaron: Ja kur pritet të qetësohet situata

Heqja e masave kufizuese dhe përfundimi i periudhës së karantinës, solli një shtim të papritur të rasteve të reja me koronavirus në vendin tonë.

Në lidhje me këtë fenomen që ndodhi, ka folur dhe mjeku i njohur imunolog Genc Sulcebe.

Ai shpjegoi se në fillim në Shqipëri për shkak të izolimit dhe kufizimeve nuk pati një qarkullim të lartë të virusit.

Sipas tij rritja e shifrave ishte një gjë që pritej.

“Te ne virusi ka qarkulluar shumë pak. Ne patëm një shtetrrethim, patëm një hapje të shpejtë dhe e patëm në mënyrë të natyrshme. Shumica e popullatës ka qenë e paprekur nga virusi..Në një studim pilot që bëmë, nga 128 virus vetëm një ka dalë pozitiv, tani virusi po qarkullon po imunizon popullatet. Mbi 95 për qind e popullatës nuk ka krijuar antitrupa.”

“Kjo rritje e sëmundshmërisë është e pritshme, mendoj se do rritet, faza 10 javore e shpërndarjes së virusit, nga mesi i korrikut do të ulet,” deklaroi mjeku, i ftuar në Abcnews.

Sa i përket imunitetit që fitohet me kalimin e Covid-19, mjeku shpjegon:

“Imuniteti është i panjohur akoma. Nuk ka as 6 muaj që po ndodh. Koronaviruset e tjerë janë të zbutur dhe qarkullojnë çdo vit, japin një gjendje imunitare jo shumë të madhe. Pas 1 viti mund të të sëmurin por me simptomat janë shumë të dobëta. Këta dy të rinjtë janë më të egër, japin një gjendje imunitare më të zgjatur. Ka pasur raste që kanë pasur edhe 1 ndër 6 vite. Imuniteti zgjat të paktën 1 vit.”