Në Kinë është duke u ndezur sërish alarmi për virusin e ri COVID-19.
Pas dy muajve të qetë relaitvisht dhe me vënien nën kontroll të virusit në rajonin e Uhanit, Kina tashmë është sërish përballë frikës së një shpërthimi të dytë të pandemisë.
Në Pekin autoritetet kineze morën vendimin për ta mbyllur tregun ushqimor që çdo ditë frekuentohet nga miliona qytetarë dhe tregtarë.
Por edhe pse masat janë forcuar, në Kinë në 24 orët e fundit ka pasur një rritje të ndjeshme të rasteve, duke regjistruar 57 të prekur.
Kjo është hera e parë që Kina regjistron një numër të tillë që nga fundi i muajit mars.
