LIGJET E BIZNESIT
Mbrëmjen e sotme, ministri Pandeli Majko ka bërë një deklaratë ku ka mjaft nënkuptime ndërsa fliste në lidhje me mbajtjen e zgjedhjeve të ardhshme parlamentare.
I ftuar në emisionin “Real Story”, Majko lë të nënkuptohet se nuk mund të shkohet në zgjedhje kur të gjitha bashkitë e vendit i ka njëra parti, ndërsa theksoi se së shpejti do të ketë zhvillime, “diku me zhurmë e diku pa zhurmë”.
“Si mund të shkohet në zgjedhje me të gjitha bashkitë. PD ka vetëm Shkodrën por nuk merret pushteti vetem me një bashki. Madje atje vetëm kryetaren ka. Ndaj them se do ketë zhvillime. Jo vetëm covid, covid, covid. Do ketë ngjarje diku me zhurmë diku pa zhurmë. Do ketë ndryshime.
Unë mendoj që në Shqipëri ka shumë gjëra për të ndryshuar, por mandati i tretë do jetë shumë i lidhur me hapjen e negociatave për në BE. Një pjesë e administratës duhet ndryshuar. Na duhen juristë më të mirë”, u shpreh ministri Pandeli Majko.
