LIGJET E BIZNESIT
Organizata Botërore e Shëndetësisë ka deklaruar së fundmi se pandemia e COVID19 po merr hov në Afrikë.
Matshidiso Moeti, me detyrë drejtoreshë rajonale për Afrikën në këtë institucion, është shprehur se koronavirusi tashmë po përhapet përtej kryeqyteteve dhe se mungesa e testeve dhe e furnizimeve po pengon përgjigjet ndaj tij.
Ky fenomen është i pazakontë pasi deri tani Afrika ishte kontinenti më pak i prekur nga ky virus. Afrika e Jugut ka më shumë se një të katërtën e rasteve të raportuara dhe po përjeton rritje të numrit të të infektuarve dhe viktimave në provincat e Kepit Lindor dhe Kepit Perëndimor, tha Moeti në një konferencë në selinë e OBSH-së në Gjenevë.
Ajo shtoi se Kepi Perëndimor duket i ngjashëm me shpërthimet e fundit në Evropë dhe në SHBA.
Moeti tha se Afrika, në total, ka rreth 200,000 raste të të infektuarve dhe 5,000 vdekje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Edhe pse këto raste në Afrikë përbëjnë më pak se 3% të totalit global, është e qartë se pandemia është duke marrë hov”, tha ajo.
