Panik në Tiranë/ Qëllohet me breshëri drejt një kompleksi në periferi, policia jep detajet

Gjatë natës që sapo lamë pas janë shënuar të shtëna me armë zjarri në periferi të Tiranës.

Mësohet se është qëlluar me breshëri drejt një lokali në Yrshek.

Për fat të mirë nuk ka persona të lënduar.

Sipas informacioneve në shënjestër ka qenë lokali në pronësi të shtetasit E.C, që gjendet në rrugën dytësore përballë autostradës, pësoi dëme të shumta materiale.

NJOFTIMI ZYRTAR I POLICISE

Rreth orës 00:35, në Yrshek, në rrugën dytësore Tiranë-Vorë, është qëlluar me armë zjarri në drejtim të një kompleksi në pronësi të shtetasit E.Ç., 49 vjeç, ku ka vetëm deme materiale. Grupi hetimor dhe shërbimet e Policisë vijojnë punën për identifikimin dhe kapjen e autorit.