Pandemia/ Tronditëse deklarata e kreut të OBSH: Nuk ka garanci nëse do të ketë vaksinë

Kreu i Organizatës Botërore të Shëndetësisë, Tedros Adhanom Ghebreyesus deklaroi se nuk ka ende garanci nëse vaksina kundër koronavirusit do të zbulohet.

Tedros u shpreh para Komitetit për Shëndetësi të Parlamentit Europian se edhe nëse vaksina zbulohet ajo do të jetë në dispozicion para një viti.

“Është shumë e vështirë të thuhet me siguri se do të kemi vaksinë. Kurrë nuk kemi pasur vaksinë për koronavirus. Kjo, kur të zbulohet, me shpresën se do të zbulohet, do të jetë e para”,- tha ai.

Vaksinat ndihmojnë sistemin imunitar të trupit për të identifikuar dhe luftuar patogjene si viruset.

Ato konsiderohen si një nga mënyrat më efektive për të parandaluar përhapjen e sëmundjeve të tilla si Covid-19, pasi ato i ndihmojnë komunitetet që të krijojnë imunitet. Më shumë se 100 prova të vaksinave të mundshme janë duke u zhvilluar aktualisht në të gjithë botën. Covid-19 ka prekur mbi 9.4 milionë njerëz në botë. Prej tyre, mbi 4.7 milionë janë shëruar dhe mbi 484,000 kanë vdekur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern