Pandemia/ Shefja e Infektivit apelon: Po infektohet çdo grup moshë

Shefja e Shërbimit Infektiv, Najada Como ka apeluar qytetarët që të ruajnë distancën.

Ndërkohë që numri i të infektuarve po rritet, Como ka thënë se virusi po prek çdo grup moshë dhe spo bën diferencime. Madje po agravon gjendjen e tyre shëndetësore.

Apeli i mjekes:

Kemi shtim të numrit të personave të shtruar dhe natyrisht kemi shtim të pacientëve që kërkojnë ndjekje në terapi intensive. Pikërisht pajisjet me këto aparatura që i ofrohen pacientëve në terapi intensive janë një ndihmesë e madhe që ofrohet për shtimin e përkujdesit.

Megjithatë do thosha diçka që, çfarë ne ofrojmë në terapi intensive është maksimumi jonë nga ana profesionale, por popullata duhet të jetë shumë e ndërgjegjshme që liria e një personi shkon deri aty sa nuk cënohet shëndeti i tjetrit. Ju siguroj që virusi tani ka filluar të përzgjedhë çdo grup moshe dhe duke agravuar situatën shëndetësore të tyre.

Ndaj thirrja e vetme që mbetet është: Ne jemi në shërbimin tuaj! Kemi shumë muaj që jemi vetëm në shërbimin tuaj, por kini parasysh që edhe ju keni detyrimin për të ruajtur distancimin fizik dhe e dyta mbajeni maskën kudo që jeni sepse janë të vetmet arma që kemi për t’u mbrojtur nga ky lloj virusi.

Mjekja tha se shërbimi Infektiv ka një fluks të shtuar, prndaj duhen respektuar rregullat.