Gjatë natës që sapo lamë pas, është djegur makina e kryeplakut me iniciale P.GJ në oborrin e banesës së tij në Derven të Fushë-Krujës.
Mësohet se mjeti ishte i tipit “Mercedez-Benz”, me targa AA 331 EH.
Kanë qenë fqinjët ata që pas konstatimit të flakëve kanë lajmëruar menjëherë policinë.
Ndërkohë sipas informacioneve në momentin që ka ndodhur ngjarja pronari i makinës dhe familjarët e tij nuk ndodheshin në banesë.
Policia dyshon se shkak për zjarrin mund të jetë ndonjë defekt në sistemin elektrik.
Nga ana tjetër nuk përjashtohet as pista e zjarrvënies së qëllimshme, edhe pse personi në fjalë ka thënë se nuk ka probleme apo konflikte me njeri.