“Nuk preket nga dekriminalizimi” Prokuroria merr vendim, mbyll hetimet për kryebashkiakun e PS

Gjashtë muaj pas denoncimit të Partisë Demokratike, Prokuroria ka vendosur të mbyllë hetimet për kryebashkiakun e Matit Agron Malaj.

Sipas organit të akuzës, ai nuk ka probleme me dekriminalizimin dhe se veç dënimit të vitit 1999 për të cilin edhe PD ka kërkuar heqjen e mandatit te tij, rezulton se në vitin 2019 ka pasur një kallëzim ndaj tij, por prokuroria e ka pushuar.

Ndaj Malajt rezulton të ketë pasur një kallëzim penal në Prokurorinë e Rrethit Mat më 11 prill 2019, për të cilin prokurori ka vendosur mosfillim të procedimit penal”, thuhet në vendim.

Ndërsa për akuzën e ndryshimit të gjeneraliteteve, prokuroria shprehet se kjo akuzë nuk qëndron.

“Drejtoria e Gjendjes Civile ka paraqitur në Prokurorinë e Përgjithshme të dhënat personale të Agron Malajt. Refereruar këtyre të dhënave rezulton se subjekti nuk ka kryer ndryshim në përbërësit e gjendjes civile. Malaj nuk rezulton të ketë ndryshime në përbërit e gjendjes civile, ndërsa pavarësisht se në vendimet gjyqësore të ndryshme evidentohet si Agron Rufat Malaj dhe Agron Rifat Mala, nisur nga të dhënat si amësia, ditëlindja apo krahasimi i gjurmëve të gishtave rezulton se kemi të bëjmë me të njëjtin person”, thuhet në shkresën e prokurorisë.

Gjithashtu Prokuroria bën me dije se  ndaj Malajt nuk ka pasur akuzë për plagosje në vitin por vetëm për armëmbajtje pa leje.

Sipas ketij institucioni, Malaj nuk është ndaluar apo arrestuar ndonjëherë për ndonjë vepër penale.

“Ndaj Malajt rezulton të ketë pasur një kallëzim penal në Prokurorinë e Rrethit Mat më 11 prill 2019, për të cilin prokurori ka vendosur mosfillim të procedimit penal. Malaj nuk rezulton të ketë ndryshime në përbërit e gjendjes civile, ndërsa pavarësisht se në vendimet gjyqësore të ndryshme evidentohet si Agron Rufat Malaj dhe Agron Rifat Mala, nisur nga të dhënat si amësia, ditëlindja apo krahasimi i gjurmëve të gishtave rezulton se kemi të bëjmë me të njëjtin person”, thotë Prokuroria.

Sa i përket kërkesës së PD-së për heqje të mandatit të kryebashkiakut të Matit, prokuroria shprehet se duhet të shprehet departamenti i dekriminalizimit me kërkesë të KQZ.

“Ky vendim mbi rezultatet e verifikimit do t’i njoftohen brenda tre ditëve Komisionit Qendror të Zgjedhore, i cili si organ kompetent duhet të shqyrtojë nëse janë evidentuar të dhëna që përfshihen në sferën e kufizimeve”.