Nuk i shpëtojnë infektimit/ Preken nga koronavirusi dhe 2 mësuese gjimnazi në Tiranë

Në territorin e vendit tonë vetëm sot u konfirmuan 33 raste të reja me koronavirus.

Ndërkohë, sipas të dhënave zyrtare që komunikoi ISHP, 23 prej tyre janë në Tiranë.

Por dy ndër rastet pozitive janë mësuese të një prej gjimnazeve në qendër të kryeqytetit, sipas abcnews.

Ende nuk dihet si janë infektuar ato, por bëhet me dije se të dyja nuk kanë qenë të pranishme gjatë provimeve të maturës që nxënësit kanë dhënë së fundmi.

Deri më tani në Shqipëri ka 792 persona aktivë të infektuar me koronavirus.

Sipas informacioneve, 366 prej tyre janë në Tiranë, 150 në Durrës dhe në Shkodër 133 persona të prekur me COVID19.