Presidenti Ilir Meta ka dalë në konferencën e përjavshme që zhvillon me gazetarët.
Ai ka komentuar vendimin për largimin e Ardian Dvoranit si anëtar i Gjykatës së Lartë dhe kreu i KED.
Kreu i Shtetit e cilësoi këtë akt si të vetmen mundësi për të ruajtur integritetin e institucioneve të reja të drejtësisë.
“Qëndrimi i Presidentit ka qenë dhe mbetet qëndrimi i Kushtetues dhe ligjit, që kanë qenë shumë të qarta. Vendimi i djeshëm në vlerësimin tim është i vonuar, por sidoqoftë është pozitiv. E vetmja mundësi për të ruajtur integritetin e institucioneve të reja të drejtësisë. Për mua nuk kanë qenë të rëndësishëm individët. Natyrisht legjitimiteti i tyre është shumë i rëndësishëm. Për mua vendimtare ka qenë dhe mbetet respektimi i Kushtetutës dhe ligjeve që janë bërë në respekt të saj” deklaroi presidenti gjatë fjalës së tij.
