LIGJET E BIZNESIT
Kreu i Këshillit Kombëtar të Partisë Demokratike, Bujar Nishani ka thëne se statusi i PD-së nuk e parashikon largimin e kryetarit nëse humbet zgjedhjet. I pyetur nëse do të largohet Basha nëse nuk fiton zgjedhjet e ardhshme, Nishani u shpreh se askush nuk është i pazëvendësueshëm.
“Askush nuk është i pazëvendësueshëm. Dorëheqja është një akt vullnetar. Ne nuk e kemi të sanksionuar në statut. Nëse ne do të fokusohemi se kush do të jetë fati politik i secilit prej anëtarëve të koalicionit pas zgjedhjeve ne kemi deformuar platformën tonë. Që këtu dhe te ky nis krijimi i raportit të besimit“, tha Nishani në emisionin “Pa protokoll”.
Ndër të tjera, Nishani tha se ftesat janë të hapura për këdo që nuk është më pjesë e partisë.
“Duhet të shkojmë përtej pikëpamjes personale, përtej interesit të pëlqyeshmërisë apo papëlqyeshmërisë individuale. Vendi ka nevojë për një front të përbashkët përballje. Unë nuk besoj që askush nga emrat që janë kritikë te Basha nuk e konsiderojnë Bashën si të keqe të vendit. Ftesat janë të hapura. Strukturat e PD mund të propozojnë këdo që gjykojnë. Ne kemi kërkuar një proces që të fokusohet tek strukturat. Sot secili ka mundësi për të propozuar.”
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
