Ngjarja e rëndë/ Dogji flamurin shqiptar në Sarandë, shpallet në kërkim minoritari grek

Tre ditë pasi dogji në mes të Sarandës dy flamuj shqiptarë, anti-terrori ka nisur hetimet për minoritarin grek Manol Vito.

Ky i fundit tashmë është shpallur në kërkim dhe dyshohet se është larguar drejt Greqisë në mënyrë ilegale.

Mbi Viton rëndon akuza “Nxitje urrejtje ose grindjeve” si dhe “Poshtërim i Republikës dhe simboleve të saj”.

Pas një verifikimi të bërë nga anti-térrori ka rezultuar se videoja është bërë një vit më parë, ndërsa është publikuar në rrjetet sociale pak ditë më parë. Minoritari djegien e flamurit e ka shoqëruar me thirrje ndaj shqiptarëve.

“Këtë flamur e mora nga zyrat e OMONIA-s sepse nuk meriton që të qëndrojë atje dhe po e djég. Këtu jemi në Sarandë, jemi në Vorio Epir dhe kam gjetur këtë leckë dhe shikoni sesi po dígjet, ku janë patriotët dhe nacionalistët shqiptarë?”- shkruajti ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern