Nesër provimi i parë i maturës, si do bëhet ndarja në klasa dhe rregullat që duhet të respektohen

Nesër do të zhvillohet provimi i parë i maturës shtetërore. Ky provim i parë për këtë vit për maturantët do të jetë për gjuhën e huaj anglisht.

Në gjithë vendin janë 32. 126 maturantë që do t’i nënshtrohen testit, që do të zhvillohet në 486 qendra provimi.

Sa i përket rregullave të reja të imponuara nga COVID-19, në një sallë do të jenë mesatarisht 10 maturantë, dhe bankat do të jenë në një distancë prej 1.5-2 metra.