Ndahet nga jeta këngëtarja amerikane, pjesë e grupit të famshëm Pointer Sisters

Ndahet nga jeta këngëtarja amerikane Bonnie Pointer, e cila ishte pjesëtare e grupit të famshëm R&B The Pointer Sisters.

Pointer u nda nga jeta në moshën 69-vjeçare.

Lajmin e hidhur e dha e motra e saj Anita.

“Me trishtim të madh dua të njoftoj të gjithë fansat e Pointer Sisters, se motra ime Bonnie ndërroi jetë sot në mëngjes”, shkruan Anita.

Grupi e filloi karrierën në vitin 1969 kur Bonnie dhe motra e saj June nisën karrierën si duo. Më pas grupit iu bashkua Anita dhe Ruth. Ato arritën sukses ndërkombëtar dhe fituan një sërë çmimesh, ndër të tjera edhe Grammy.

Disa nga këngët më të famshme janë “I’m so Excited”, “Slow Hand” etj.