Një lajm i hidhur vjen sot për Partinë Demokratike.
Mësohet se është ndarë nga jeta Reshit Mërlika, një nga drejtuesit e kësaj force politike në Krujë.
Nuk ka munguar dhe mesazhi i ngushëllimit nga ana e kryetarit të PD Lulzim Basha.
Ai shkruan se Merlika ka spitkatur për integritetin, qëndresën dhe dhembbshurinë e tij për Krujën.
MESAZHI I PLOTE I LIDERIT DEMOKRAT
Sot u nda nga jeta Reshit Merlika, kryetari i Degës së Partisë Demokratike Krujë. Mendimet dhe lutjet e mija dhe të familjes time si dhe të mbarë demokratëve shkojnë tek bashkëshortja e tij Majlinda dhe dy djemtë e tij Arbisi dhe Eraldi si dhe tek nëna e tij znj. Shpëtime dhe vëllezërit e të afërmit, për humbjen e parakohshme të njeriut të tyre të shtrenjtë.
Pinjoll i një prej familjeve më të shquara të Krujës, Reshit Merlika spikati me integritetin, qëndresën dhe dhembshurinë e tij për Krujën dhe bashkqytetarët e tij. Si pas tërmetit të 26 Nëntorit ashtu edhe gjatë pandemisë ai ishte ditë e natë pranë njerëzve në nevojë, duke mobilizuar ndihma, fashitur plagët e dhimbjeve dhe dhënë forcë e kurajo atyre që kishin humbur gjithçka.
Partia Demokratike humbi sot një nga drejtuesit e saj më të përkushtuar dhe unë një bashkëpunëtor të vyer. U prehtë në paqe!
