Mos u mashtroni nga dielli i mëngjesit, në këto qytete do bjerë shi pasdite

Dita e sotme ka nisur me një diell të fortë dhe temperetura tipike të muajit qershor dhe jo si ato që u mësuam këto javë të fundit, ku shiu është bërë prezent.

Por as për këtë të diel nuk duhet të gëzohemi para kohe, pasi nuk do të jetë kohë e nxehtë dhe me diell në të gjitha qytetet.

Sipas Meteoal, orët e para të ditës së sotme do të paraqiten me kthjellime dhe vranësira të lehta, ku më të dukshme do jenë në zonat malore. Mesdita dhe pasditja sjellin zhvillim të vranësirave duke gjeneruar reshje shiu në zonat lindore dhe pjesërisht në zonat e ulëta.

Temperaturat e ajrit ulen lehtë në mëngjes dhe mesditë duke luhatur vlerat ditore nga  10°C deri në 31°C. Era do fryjë mesatare  në tokë dhe e fortë në det me shpejtësi deri 55 km/h nga drejtimi Veriperëndimor duke krijuar brigjet detare dallgëzim 5 ballë.

Rajoni dhe Europa

Vijojnë masat ajrore të paqëndrueshme të diktojnë mot të vranët dhe rrebeshe shiu në Europën Veriore, Lindore dhe Juglindore. Ndërsa kthjellimet mbizotërojnë Qendrën dhe Rajonin e Mesdheut.