Moderatorja Fatma Haxhialiu ka denoncuar publikimin e videos me përmbajtje seksuale, ku shantazhohej e mitura e përdhunuar nga Abaz Doku. Në emisionin “Me zemër të hapur”, ku u transmetua videoja ishin të pranishëm edhe babai me vëllain e viktimës.
Haxhialiu reagoi ashpër, pasi pa videon e emisionit, e cila ishte publikuar edhe në kanalin e “You Tube”. Madje ajo u kërkon ndjekësve t’i bëjnë reprt videos.
Reagimi i Fatma Haxhialiut:
Pra Neës 24 në emisionin “Me zemër të hapur” (dhe mendje të mbyllur) paska transmetuar videon me të cilën shantazhohej vajza e mitur? E pra goca morali i përrallës është; mos u shantazhoni nga dhunuesi mi non, mos hani presionin kot, se del media e ta shpërndan videon dhe në
YOUTUBEEEE madje!!!! TURP!!!!!!!
Madje Haxhialiu kërkon nga drejtuesja e emisionit një ndjesë publike.
“Në mes të ditës zonja që është dhe autore e asaj pocaqie televizive, që transmeton histori nga shtresat më të margjinalizuara të shoqërisë, duke rritur stigmën ndaj tyre…këtë herë përpara babait dhe vëllait të viktimës transmeton videon e PËRDHUNIMIT TË SË MITURËS DHE FOTOT E SAJ NUDO, në një EKRAN gjigant, por i kishte vënë blur sipër për ETIKË! Cili ishte qëllimi? Kë ndihmove? Si ja bëre familjes dhe vajzës më të lehtë traumën? Të të vijë turp ty te parës se je grua, pastaj gazetare dhe autore dhe turp të kenë të gjithë në atë televizion nqs nuk merren masa! Niseni me një ndjesë publike dhe të zhduket emisioni nga Youtube! Ose futuni e bëjini report të gjithë!!!!!,”-shtoi moderatorja.
Videoja që përmbante pamjet e shantazhit është fshirë nga kanali i “You Tube” si pasojë e raportimeve nga qytetarët.