Mjeku Pipero qetëson qytetarët: Nuk ka kthim të pandemisë së koronavirusit

Mjeku Pëllumb Pipero ka thënë se koronavirusi nuk do të ketë një valë të dytë në vjeshtë ose në dimër.

Në lidhje direkte me Syri.net Pipero u shpreh se numri i lartë it ë infektuarve kanë ardhur si shkak i mosrespektimit të masave nga qytetarët.

“Unë mendoj që nuk do ketë një rikthim të virusit në vjeshtë ose në dimër. Në rast se do ketë kthim, kurrë nuk do jetë me i egër dhe e fortë, por më i butë për disa arsye. Kjo pasi virusi vazhdon ta humbasë virulencën në mënyrë graduale. Ky virus kishte shumë të panjohura në fillim, tani ai është një virus i njohur për mjekët dhe shkencëtarët,”– tha ai.

Ditën e sotme ka pasur një rekord rastesh me koronavirus, vetëm 36 raste në 24 orët e fundit, numri më i lartë i rasteve të reja që nga fillimi i pandemisë.

Numri i të shtruarve në spital ka arritur në 41, ku dy pacientë janë në intubim, ndërsa 4 në terapi intesive. Ndërkohë numri i të prekurve në total në Shqipëri ka shkuar në 1299 persona.