Mjeku Tritan Kalo ka postuar një status në rrjetin social Facebook, ku i bën apel qytetarëve që të ruajnë higjenën dhe të respektojnë distancimin fizik. Mjeku shprehet se ka ende shumë rrugë për të bërë.
Kalo paralajmëron që mund të humbasim shumë shpejt gjithçka kemi fituar në javët e karantinës.
Ndërkohë këshillon të mos dëgjojmë përrallat se Sars-C-v2/Covid-19 është pjellë e luftës politike globale apo e betejës politike Rama-Basha.
Shkrimi i plotë:
KOHË KOVIDIANE….. KEMI UDHË ende të gjatë për të bërë në sfidën tonë të imponuar prej Sars-Cov2/Covid-19, ndaj PËRKUJDESI kundrejt vetes dhe të tjerëve KURRË të mos nënvlerësohet…. Në fotot e mëposhtëme është përmbledhur ditë-puna e sotme, 20.06.2020…Nisja dhe kthimi në shtëpi me linjën e Unazës për Personelin Mjeksor…Vizita e mëngjesit në Shërbimin e Sëmundjeve Infektive, Covid-1, në QSUT “Nënën Tereza” me praninë e dy Luljetave të Turnit të parë në Pavjonin e parë Luljeta Ramaj dhe Lujeta Çakallozi, diskutimi i rasteve në dhomën e mjekëve si dhe pak momente pushimi me Prof. Dhimtër Krajën dhe Administratoren tonë të palodhur Silvana Saqellarin…
LAJTMOTIVI ynë i përditshëm mbetet PUNA, PËRKUSHTIMI dhe PROFESIONALIZMI për të sëmurët me Sars-Cov2/Covid-19 dhe jo vetëm….Këto ditë PO tregojnë se mjaft shpejt NE mundet të humbasim gjithshka që fituam, me shumë dhimbje e sakrifica në ato javë kuarantine….SHKREHJA e përkujdesit është e pajustifikueshme për të gjithë NE “il poppolo Albanese”, POR kjo shkrehje është më e pajustifkueshme veçanërisht për personelin mjeksor…..Rreziku i infektimit për ta është shumë i lartë në mjediet e tyre të punës, POR ato/ata mundet të bëhen njëkohësisht edhe burim infeksioni gjatë ushtrimit të detyrës së tyre fisnike…
INFEKSIONI është dhe do të jetë i pranishëm ende për shumë kohë, NDAJ mos dëgjoni “përrallëzat” se Sars-C-v2/Covid-19 është pjellë e luftës politike globale apo e betejës politike Rama-Basha….PËR PAK SENSIBILIZIM shihni me shumë kujdes disa imazhe skanerike të të sëmurëve, që të bindeni se NUKU bëhet shaka me këtë virus sëmundje-shkaktues si dhe jetë-marrës…..KURRË nuku është vonë për të nxënë nga ndonjë gabim i yni….E ritheksoj me shumë bindje se me MIRËBESIM, me MIRËKUPTIM, me DURIM dhe me PËRKUSHTIM, ne me siguri do ja dalim mbanë në sfidën tonë ndaj Sars-Cov2/Covid-19…. FUNDJAVË të paqtë miq e dashamirës kudo që JU frymoni në këto çaste, POR vetëm e vetëm higjenikisht shëndetshëm si dhe me distancim fizik….
SHQIPËRIA e ka të domozdoshme secilin prej nesh!!!
