Milo: Deklarata e Yuri Kim më e forta dhe e drejtpërdrejta në këto 30 vite

Kreu I PDS, Paskal Milo ka komentuar deklaratën e Ambasadores së SHBA-së Yuri Kim duke thënë se është një nga më të fortat në këto 30 vite.

“Në historinë 30 vjecare të demokracisë shqiptare kjo deklaratë e sotmja është nga më të fortat dhe më të drejtpërdrejtat. Deklarata të kësaj natyre ka bërë ambasadori Rajerson në fillim kur ka ardhur në mbështetje të PD dhe ai merrte pjesë edhe në mitingjet e PD”, u shpreh Milo në emisionin RepolitiX.

Ambasadorja i njohu meritat e partisë pozitare pasi u shpreh se ajo ka më tepër privilegje dhe I takonte të lëshonte më shumë, që sipas Kim e bëri.

Por Milo tha se kreditet që I dha PS janë të paprecedenta.

Deklarata e plotë e Paskal Milos:

Do të vazhdojnë negociatat edhe nesër, por jo në një tryezë institucionale por do të ketë negociatat dhe takime kokë me kokë të diplomatëve të ambasadores amerikane, ndoshta me zotin Basha dhe Kryemadhin dhe me qëllim që ti rikthehen çështjeve për të gjetur një mundësi për marrëveshje, por orët janë të kufizuara. Presioni është i drejtpërdrejtë. Kreditet i dha PS-së ambasadorja amerikane është e paprecedentë. Mund të ecet në këtë pistë që parlamenti të shkojë në gjendjen që është pa konsensusin e opozitës dhe të miratojë paketën e reformës zgjedhore.