Mes lotëve, djali i Moikom Zeqos tregon pengun e të atit që nuk e arriti dot

Djali i Moikom Zeqos pas ceremonisë mortore të të atit,  u shpreh sot se amaneti i tij nuk u plotësua.

Epidam Zeqo tha se amaneti i babait të tij ishte një Shqipëri më e mirë, por qe  nuk u arrit.

Mes lotëve ai tha se misioni që Moikom Zeqo nisi do të vazhdojë dhe se shumë shpejt do të hapet një fondacion që do ndihmojë gjithë botuesit e rinj.

“Vdekja zakonisht bashkon njerëzit, ndoshta edhe ata që ishin ndarë më parë. Amaneti i babit, vlerësoj varrimin  shtetëror, babi e meritonte. Por amaneti i babit nuk është përmbushur, babi kërkonte një Shqipëri më të mirë.

Shqipëria e babit është një Shqipëri që ndoshta e kishim dhe nuk e kemi pasur asnjëherë dhe do të ishte mirë ta kishim një ditë dhe babi, Moikomi, luftoi gjithë jetën ta pasuronte kulturalisht Shqipërinë.

Amaneti i tij nuk ishte varrimi i tij, realiteti, ishte sot, jo nesër, ishte Shqipëria, por edhe njerëzimi. Unë nuk ndihem mirë, jam i lumtur që është një figurë që bashkon politika, familje dhe nuk ndan, por është një ditë zie.

Unë njihja Moikomin që unë nuk e njohët dot, ju njihni një Moikom tjetër.  Mona Lizën babai e botoi, donte ta ribotonte, të gjitha librat do të botohen dhe deklaroj këtu se do të krijohet fondacioni Moikom Zeqo trë botojë veprën e plotë por edhe të ndihmojë letërsinë shqiptare” tha ai.