Me maskë në gjyq/ Adiola Lakra flet për herë të parë: Isha lidhur me Sebastianin u ndamë, me Hekuranin takoheshim në një vend…

Adiola Lakra, vajza që akuzohet se nxorri në pritë 40-vjeçarin Hekuran Billa, i cili u vra në zonën e Komunës së Parisit në Tiranë, ka dalë sot në sallën e gjyqit për tu njohur me masën e sigurisë.

26-vjeçarja është shprehur gjatë dëshmisë së saj se nuk ka lidhje me atentatin dhe ka mohuar të ketë marrë para nga Viktor Marku dhe ish-i dashuri i saj Sebastian Mali, për të ndihmuar në ekzekutimin e Billës.

Ajo ka shtuar se  me Sebastina Malin kanë qenë të lidhur, ndërsa me Billën është njohur pas një ftese që ai i kishte bërë në Instagram.

“Unë kam qenë e lidhur me Sebastian Malin pasi jetoja në të njëjtin pallat ku e ëma e tij kishte parkukerinë. Jemi lidhur por më pas jemi ndarë, fillimisht më ka bërë Billa ftes në Instagram kemi folur dhe jemi lidhur, ne gjithmonë takoheshim në të njëjtin vend pasi Hekurani nuk lëvizte”, tha Lakra.

Adiola Lakra nuk ka pranuar kategorikisht të ketë përfshirje me ngjarjen dhe të jetë bashkëpunëtore në thirrjen për ta nxjerr në pritë Hekuran Billën në datën 11 qershor. Para grupit hetimor ajo nuk ka pranuar për asnjë arsye të ketë qenë e paguar nga Viktor Marku dhe i dashuri i saj, Sebastian Mali, për të ndihmuar në ekzekutimin e 40-vjeçarit.

Lakra ka rrëfyer edhe njohjen me Sebastian Malin. Sipas saj, ata kanë jetuar në të njëjtin pallat, ndërsa pinte kafe në katin e parë. Nga aty ka filluar shoqërimi dhe frekuentimi me të, që është konkretizuar në një lidhje sentimentale. Lakra ka deklaruar se në pallatin ku jetonte kishte një biznes edhe e ëma e Malit, një parukeri.

Sa i përket njohjes me Hekuran Billën, ky i fundit i ka dërguar miqësi në Instagram dhe më pas ka filluar njohjen, pasi është ndarë me Malin. Billa dhe Lakra janë takuar gjithmonë në të njëjtin vend, pranë Komunës së Parisit pasi siç duket Billa ka patur frikë të lëviz në vende të tjera, për shkak konfliktit për hakmarrje.

Në fund të seancës Gjykata Penale e Tiranës ka dhënë masën e arrestit me burg për Adiola Lakrën, e cila dyshohet se nxori në pritë Hekuran Billën. Gjyqtari që ka dhënë vendimin është Lazer Sallaku.