Deputeti i opozitës së re Kujtim Gjuzi ka bërë së fundmi një deklaratë shumë të fortë.
Ai është shprehur se më datë 3 qershor kanë mbërritur 2 mesazhe në telefonin e tij personal.
Sipas Gjuzit njëri i ka ofruar para ndërsa tjetri e ka kërcënuar.
I ftuar në programin “360 gradë”, deputeti tha se e njihte dërguesin dhe se e quante ‘baca’, pasi kishin një vit që shkëmbenin mesazhe.
“Në telefonin tim me datë 3 qershor më ka ardhur mesazhi për para dhe mesazhi kërcënues. Në krahun tjetër është një njeri që dikush që unë e quaj “baca”. Unë ndërroja mesazhe me të, por kam një vit që nuk ndërroj më mesazhe, se erdhi në orët e vona të natës, në orës 3 të natës.
Nuk mund të kërcënosh Kujtim Gjuzin. Nëse do t’i dish xhepat, unë nuk i tregoj kollaj. Ty nuk kam pse të mos i tregoj. Si e ke qejf t’i lale. Nëse do të shohësh gjak në këtë vend… unë nuk mbaj armë pa leje. Po ta them edhe këtë, nëse dikush këtu vjedh zgjedhjet, unë jam me zyrën 420 në parlament. Edi Ramës nuk do t’i shkoj në mendje t’i vjedhë zgjedhjet”, deklaroi Kujtim Gjuzi.
